Rýhanı jańǵyrýdyń jańa belesine shyqqan kún - Asyljan Búrkitalın
AQTÓBE. QazAqparat - Bul Qazaqstan úshin damýdyń, rýhanı jańǵyrýdyń jańa belesine shyqqan kún. «Jas Otan» Jastar qanatynyń Aqtóbe oblystyq fılıalynyń atqarýshy hatshysy Asyljan Búrkitalın Elbasynyń «Bolashaqqa baǵdar: rýhanı jańǵyrý» maqalasynan osyndaı oı túıdi, dep habarlaıdy QazAqparat tilshisi.
«Bul Qazaqstan úshin damýdyń, rýhanı jańǵyrýdyń jańa belesine shyqqan kún dep esepteımin. Oǵan sebep, Elbasymyzdyń «Bolashaqqa baǵdar: rýhanı jańǵyrý» atty eńbegi. Úshinshi jańǵyrýǵa ulasqan rýhanı jańǵyrýdyń basty tórt jańalyǵy bar. Birinshiden, ulttyq sana, ulttyq biregeılik. Ekinshiden, latyn álipbıine kóshý. Úshinshiden, jańa gýmanıtarlyq bilim. Tórtinshiden, «Týǵan» jer baǵdarlamasy. Birinshisi arqyly biz básekelestigi tehnologııalyq turǵydan ǵana emes, ishki dúnıesi de qatar damyǵan máńgilik elge, táýelsizdigi myzǵymas memleketke aınalamyz. Ulttyq jáne rýhanı kúshi tolyq qalyptasqan memlekettiń kez kelgen básekede aty ozary anyq. Ekinshisi arqyly biz zamanaýı tehnologııalyq ortanyń tap ortasyna túsemiz. Ózimizdiń aqparattyq qaýipsizdigimizdi arttyramyz. Ulttyq jáne rýhanı kodymyzdyń tek jaǵymdy qyrlaryn boıymyzǵa sińiremiz.
Úshinshisi arqyly gýmanıtralyq bilimdi jańalap qana qoımaı, áleýmettik jáne saıası ǵylymdardy qur sózden jańa formatqa kóshiremiz. Álemdik ádebıetterdi óz tilimizde sóıletip, ǵalymdarymyzdyń kásibıligin shyńdaımyz.
Tórtinshisi arqyly týǵan jerin, elin súıýdi jańa jáne júrekke jaqyn jol arqyly damytamyz. Jastarymyzdy ólkesinen aımaǵyna, aımaǵynan eline qyzyqtyryp, qyzyqtyrý arqyly súıispenshildigin kóteremiz, jańa deńgeıge shyǵaramyz», - dedi «Jas Otan» Jastar qanatynyń Aqtóbe oblystyq fılıalynyń atqarýshy hatshysy Asyljan Búrkitalın. Jasotandyq zııaly qaýym men memlekettik qaıratkerlerin, shyǵarmashylyq ókilderi men ǵalymdardy sapaly isterdiń sanyn eseleýge shaqyrdy.
