Rýhanı jańǵyrý úshin jaltaq halyqtan múddesi úshin kúrese alatyn ultqa aınalýymyz qajet - Mámbet Qoıgeldıev
ASTANA. QazAqparat - Elbasy Nursultan Nazarbaevtyń rýhanı jańǵyrýyn júzege asyrý úshin jaltaq halyqtan múddesi úshin kúrese alatyn ultqa aınalýymyz qajet. QR Prezıdentiniń «Egemen Qazaqstan» gazetinde jarııalanǵan maqalasyna oraı tarıh ǵylymdarynyń doktory, professor Mámbet Qoıgeldıev osyndaı pikir bildirdi, dep habarlaıdy QazAqparat.
«Elbasy óziniń maqalasynda eń mańyzdy máseleni, jalpy bizdiń qazaq qoǵamy úshin óte ózekti máseleni kóterdi dep sanaımyn. Tarıhshy retinde aıtarym, rýhanı jańǵyrý máselesi qazaq qoǵamynda 100 jyl buryn kóterilgen bolatyn. Ony kótergen Alash zııalylary edi. Olar ult aldynda rýhanı jańǵyrý máselesin, aǵartýshylyq sıpatta qoıdy. Ókinishke qaraı Alash zııalylarynyń bul áreketi iske aspaı qaldy. Onyń sebebin túsinýge de bolady. Óıtkeni, ol kezde bizdiń memlekettigimiz bolǵan joq, úlken ımperııanyń quramynda boldyq. Sol ımperııadaǵy ońshyl, solshyl kúshter qazaq ultynyń, onyń zııalylarynyń umtylysyna, áreketine qoldaý kórsetken emes. Sondyqtan ol talpynys iske aspaı qaldy», - dedi Qoıgeldıev.
Osy rette tanymal tarıhshy Prezıdent usynyp otyrǵan búgingi rýhanı jańǵyrý iske asý múmkinshiligi meılinshe joǵary baǵdarlama dep sanaıtyndyǵyn basa aıtty.
«Óıtkeni, Qudaıǵa shúkir, Táýelsiz memlekettigimiz, jańǵyrý jolynda turǵan halqymyz, jastarymyz bar. Sol sebepti bul baǵdarlamanyń iske asý múmkinshiligi zor dep bilemin. Biraq ol úshin eki nárse qajet. Birinshiden, bizdiń arqa súıeıtin ulttyq qundylyqtarymyz myqty bolýy tıis. Ol jóninde Elbasy óz maqalasynda aıtyp ta berdi. ıAǵnı, ulttyq qundylyqtarǵa, tarıhı tájirıbemizge arqa súıeýimiz kerek. Buryn jibergen qatelikterimizge jol bermeýge tıispiz.
Ekinshiden, bizdiń Táýelsiz memleketke tán minez, ustanym bolýy qajet. Jetekshil, jaltaq halyqtan óz betinshe oılaı alatyn, óz múddesi úshin kúrese alatyn tabandy halyqqa, ultqa, qoǵamǵa aınalýymyz kerek», - dep túıindedi oıyn Mámbet Qoıgeldıev.
