«Rýhanı jańǵyrý» sharalary paıdaly ári qyzyqty bolýy qajet – Bolat Tilepov

NUR-SULTAN. QazAqparat – Aqparat jáne qoǵamdyq damý vıtse-mınıstri Bolat Tilepov «Rýhanı jańǵyrý» baǵdarlamasyn úılestirý departamentiniń basshylyǵymen jáne «Rýhanı jańǵyrý» qazaqstandyq qoǵamdyq damý ınstıtýtynyń ókilderimen kezdesý ótkizdi, dep habarlaıdy QazAqparat.

Mınıstrlik aqparatyna sáıkes , kezdesýde baǵdarlamany iske asyrý boıynsha júrgizilgen jumys qorytyndylary jáne bıylǵy jyldyń ekinshi jartyjyldyǵyna qoıylǵan mindetter men naqty qyzmet baǵyttary talqylandy.

B.Tilepov aıtyp ótkendeı, baǵdarlama aıasyndaǵy árbir jobanyń is-sharalary qatysýshylardyń jas ereksheligine qaraı uıymdastyrylyp, olar paıdaly ári qyzyqty bolýy tıis.

«Kezdesý barysynda vıtse-mınıstr baǵdarlama aıasynda aǵymdaǵy jyly bastamashylyq etilgen jańa jobalardy sapaly jáne tıimdi iske asyrý qajettigin atap ótti.

Sonymen qatar, «Rýhanı jańǵyrý» baǵdarlamasyn iske asyrý boıynsha 2021 jylǵa arnalǵan is-sharalar josparyn ázirleý máseleleri talqylandy. Jospar jańa talaptardy eskere otyryp ázirlenedi jáne saraptamalyq qoǵamdastyqtyń qaraýyna usynylatyn bolady», - delingen vedomstvo málimetinde.