Rýhanı jańǵyrý: Rıdderde beıne tanystyrylymdar baıqaýy ótti

RIDDER. QazAqparat – Shyǵys Qazaqstannyń Rıdder qalasynda «Uly Dala eli» atty beıne tanystyrylymdar saıysy ótti, dep habarlaıdy QazAqparat tilshisi.

Baıqaý «Rýhanı jańǵyrý» baǵdarlamasy aıasynda joǵary synyp oqýshylary men úkimettik emes uıym ókilderiniń arasynda ótti.

Úmitkerler «Kıeli jerler kartasy», «Qyzyqty suraqtar qobdıshasy» «Shyǵarmashylyq iskerlik oıyn» atty úsh baǵyt boıynsha baq synasty.

«Baıqaýǵa túrli tyń ıdeıalar usynyldy. «Rýhanı jańǵyrý» taqyrybynyń san qyrly ekenin, jastardyń ol týraly túsinigi san tarapty qamtıtynyn kórdik. Osy turǵydan alǵanda konkýrs óz maqsatyna jetti», - deıdi Rıdder qalasynyń ishki saıasat bóliminiń basshysy Anar Dúkenbaeva.

Konkýrs qorytyndysy boıynsha, baıqaýda birinshi oryndy D.Qonaev atyndaǵy №3 orta mektep ıelense, ekinshi oryn №14 mektepke buıyrdy. №2 orta mektep jeńimpazdar úshtigin túıindedi.