Rýhanı jańǵyrý: Pavlodar oblysynda 40-tan asa iri joba iske asyrylady
Bul týraly oblystyq ishki saıasat basqarmasy habarlady. Baǵdarlama aıasynda Pavlodar qalasynda qazaqtyń kórnekti ánshisi, aqyn-sazgeri Estaı Berkimbaıulynyń eskertkishi men mýzeıi ashylmaq.
Eskertkish Estaı atyndaǵy mədenıet saraıynyń mańynda boı kóterse, mýzeı ǵımarattyń ishinen oryn alady. Ekibastuz qalasynda «Týǵan jer» arnaıy jobasy boıynsha júzege asyrylyp jatqan tyń joba - «Sábıler alleıasy».
Munda Ekibastuzda týǵan ərbir nəresteniń qurmetine ata-anasy belgilengen jerge bir túp aǵash otyrǵyzady. «Uly dalanyń uly esimderi» jobasy aıasynda óńirdiń órkendeýine eleýli úles qosqan tulǵalardyń taǵdyryn dáripteý maqsatqa alynyp otyr.
Sonymen qatar, qazaqtyń uly qolbasshysy Baýyrjan Momyshulyna arnalǵan monýment Ekibastuzdyń ortalyq kósheleriniń birinde jyldyń sońyna deıin turǵyzylady. Bıylǵy jyly Aqsý qalasy barlyǵy 6 iri jobany júzege asyrady. Aldymen Aqsý qalasynda «Aqsý tolqyny» atty birinshi respýblıkalyq konkýrsyn ótkizý josparlanǵan. Sharanyń basy maýsym aıynda jańartylǵan jaǵajaıdaǵy mádenı sharalardan bastaý alyp, sharyqtaý shegi talantty jastardyń úlken gala kontsertimen aıaqtalady. Óńirde júzege asyp jatqan aýqymdy jobalardyń biri - «ERG BARYSY» týrnıri.
Atalmysh shara Qazaqstannyń túrli oblystarynan 200-den astam adamdy qamtydy. El arasynda kúmis kómeı Baıǵabyl atanyp ketken BaıǵabylJylqybaevtyń músini týǵan aýyly Qurkólde boı kóteredi. Aqqýly aýdanynda halyq ártisi, kúıshi Rústembek Omarovtyń 100 jyldyǵyna oraı «Kúı óneriniń saryny» kúıshiler alıansy qurylmaq. Alıanstyń negizgi mindeti - jas urpaqqa qazaqtyń ǵasyrlar boıy saqtalyp kele jatqan kúı ónerin nasıhattaý bolyp otyr. Jobanyń qorytyndysynda aýdan jastarynan quralǵan 100 kúıshi bir ýaqytta Rústembek Omarovtyń «Jastyq shaq» kúıin oryndaıdy. Jastar jyly aıasynda Aqqýly aýdanynyń jastar ortalyǵy «Jas shabandoz» jobasyn qolǵa aldy. Joba atqa otyrý mádenıetin úıretip qana qoımaı, «Er qanaty - at» estafetasy, asaý úıretý, aýdaryspaq sııaqty at sportyn keńinen nasıhattaıtyn sharalardan turady. Al, Aqtoǵaı aýdanynda «Aqtoǵaıtaný» jobasy jalǵasyn tabýda.
2018 jyldan bastap ár mekteptiń 5-7 synyptarynda «Aqtoǵaıtaný» arnaıy kýrsy engizilgen. Bul arnaıy jobada jyl boıy týǵan ólkeniń tarıhy, Aqtoǵaı aýdanynyń tarıhı tulǵalary men oqıǵalary, fızıkalyq-geografııalyq ornalasýy, tarıhı eskertkishteri oqytyldy.
Atalmysh joba aıasynda túrli konkýrstar, kórkemsóz oqý saıystary men oqýlar ótkizý qarastyrylǵan. Baıanaýyl aýdanynda «Ruhty Qazaqstan» jobasy iske asyrylmaq. Joba aıasynda aýdandaǵy respýblıkalyq mańyzy bar 4 qasıetti orynǵa ekskýrsııalyq týr uıymdastyrylady. Shara aýdannyń jas mamandary men belsendilikpen kózge túsken jastaryn qoldap, olardyń eńbegin baǵalap, jigerin kóterýge negizdelgen. Jelezın aýdanynda «Rýhanı jańǵyrý» baǵdarlamasy aıasynda «Shabyt» balalar men jastar ortalyǵy ashylady. Balalar men jastar ortalyǵynyń ashylýy aýdannyń da, jalpy oblystyń da shyǵarmashylyq áleýetine jaǵymdy áser etedi.
Óskeleń urpaqtyń shyǵarmashylyq belsendiligin arttyra otyryp, aýdan turǵyndarynyń mádenı deńgeıi de ósedi dep boljanýda. Ertis aýdanynyń ekojúıesin jaqsartýǵa baǵyttalǵan «Almaly baq- berekeniń qaınary» jobasy aıasynda 200 alma aǵashtary otyrǵyzyldy. Bul aımaqty keleshekte abattandyryp, demalys ornyna aınaldyrý kózdelgen.
Sondaı-aq aýdanda «Tildes» til ortalyǵynyń «arnaıy jobasy aıasynda» latyn grafıkasyn oqytý ortalyǵy ashylady. Oqytý ortalyǵy aýdandyq kitaphana bazasynda qurylatyn bolady. Tereńkól aýdanynda «Jastar jylyn» merekeleý barysynda Reseı Federatsııasynyń Novosibir oblysyna is-sapar josparlanǵan. Іs-sapar «Rýhanı jańǵyrý» baǵdarlamasynyń aıasynda eki memleket arasynda ulttyq qundylyqtarymyzdy nasıhattap, dostyq qarym-qatynasty nyǵaıtýǵa baǵyttalǵan.
Aýdanda qazaq mádenıeti men rýhanııaty úshin eleýli úles qosqan, dintanýshy, áýlıe, ustaz, tálimger Seıdildá qajy Túıtebekulynyń kesenesin salýdy josparlap otyr. Maı aýdanynda «Alma baǵy» jobasy boıynsha aýdan ortalyǵynda tamshylap sýarý təsilimen alma aǵashyn egip, ónim alyp, jastardy eńbekke baýlý qarastyrylǵan. Sharbaqty aýdanynda «Sharbaqty aýdany tarıhyn jáne aýdan aýmaǵyndaǵy arheologııalyq eskertkishterdi zertteý jáne izdeý jumystaryn júrgizý» jobasy aıasynda aýdan aýmaǵyndaǵy arheologııalyq eskertkishterdi zertteý jáne osy eskertkishter jınaǵyn basyp shyǵarý josparlanýda. «Aýylym - altyn qazynam» jobasy arqyly Ýspen aýdanynyń tarıhy túgendelmek.
Kóne kóz qarııalardan aýdan men aýyldyń qurylýy, ótken ǵasyrlardaǵy ańyz ápsanalar jınaqtalady. Ýspen aýdanynyń mańynda arheologııalyq ekspedıtsııa múshelerimen birlese otyryp qorǵandar men úıindilerge qazba jumystaryn júrgizý jáne olardy zertteý jumystary da josparǵa engen.
Pavlodar aýdanynda ońtústik eldi mekenderden «Nátıjeli jumyspen qamtýdy jáne jappaı kásipkerlikti damytý» baǵdarlamasy boıynsha kóship kelgen otbasylar úshin «Arnaý» festıvali uıymdastyrylady. Atalmysh festıval qazaqtyń «erýlik» dep atalatyn ata saltymen toılanady. Shara barysynda aqyndar arnaý aıtyp, án men kúıler oryndalady.
