«Rýhanı jańǵyrý» baǵdarlamasyna bir jyl: OQO-da 577 nysan boı kóterdi
Atalǵan baǵdarlamany iske asyrý úshin is-sharalar jospary ázirlenip, óńirlik komıssııa jáne Saparshylar keńesi qurylǵan bolatyn. Sarapshylar keńesiniń quramynda zııaly qaýym, ǵalymdar, úkimettik emes uıymdar ókilderi, barlyǵy 20 adam jumys istedi. Nátıjesinde oblysymyz «Rýhanı jańǵyrý» baǵdarlamasyn iske asyrý boıynsha respýblıkada aldyńǵy qatarǵa shyqty.
Máselen, óńirde «Týǵan jer» jobasy boıynsha 577 nysan boı kóterip, rekordtyq kórsetkishke ıe boldy. Olardyń qatarynda bilim, densaýlyq, sport, mádenıet jáne áleýmettik ǵımarattar bar.
Sondaı-aq, «Rýhanı jańǵyrý» baǵdarlamasyn nasıhattaýda da ońtústik óńiri alda keledi. Dálel retinde oblys ákimi J.Túımebaevtyń bastamasymen túsirilgen birqatar anımatsııalyq fılmder men telehıkaıalardy keltirýge bolady. Atap aıtqanda, tarıhı-mádenı muralarymyzdy nasıhattap, jastarǵa patrıottyq tárbıe beretin «Kóne jetigenniń syry» atty 10 serııaly telehıkaıasy, «Kıeli Qazyǵurt», «Otyrardy qorǵaý», «Kúsh atasy - Qajymuqan» atty anımatsııalyq jáne «Uly Jibek Jolyndaǵy eskertkishter» derekti fılmder túsirilip, qoǵam nazaryna usynyldy.
«Qazaqstannyń kıeli jerleri» arnaıy jobasy boıynsha da aýqymdy sharýalar atqaryldy. Qasıetti jerlerdiń tizimin qalyptastyrýǵa usynystar ázirleıtin óńirlik jumys toby qurylyp, kıeli jerlerdiń óńirlik kartasynyń jobasy jasaldy. Oǵan oblystaǵy 104 qasıetti kıeli jerlerdiń tizimi «Qasıetti Qazaqstan» ǵylymı-zertteý ortalyǵyna usynylyp, ońtústikten 24 nysan respýblıkalyq tizimge engizildi. Bul basqa oblystarmen salystyrǵanda sany jaǵynan eki ese kóp kórsetkish.
«Qazaqstannyń 100 jańa esimi» arnaıy jobasy boıynsha daýys berý arqyly oblysymyzdan 247 úmitker iriktelip, 100 jańa esimge 6 azamat engizildi. Búgingi kúni «100 jańa esim» jobasyna engen azamattardyń qatysýymen birqatar is-sharalar ótkizildi.
Elbasynyń «Rýhanı jańǵyrý» baǵdarlamasyn júzege asyrý boıynsha oblysta áli de atqarylar sharýalar jeterlik. Búginde aldaǵy ýaqytta iske asatyn jobalardyń jumys jospary bekitilip, tıisti sharalar atqarylýda. Sonyń biri -«Ordabasy taýy» qoryq murajaıyna el birligin dáriptegen qazaq halqynyń Tóle, Qazybek, Áıteke bılerine monýment ornatý. Odan bólek, «Úsh bı» kópserıaldy fılmi jáne «Ordabasy - birliktiń týy», «Kóne Túrkistan», «Shymkent tarıhy», «Oqsyz oqıǵasy» anımatsııalyq fılmder túsirý josparlanýda.
