«Rýhanı jańǵyrý» baǵdarlamasy tyń jobalarmen tolyǵady - OQO
Baǵdarlamany iske asyrý boıynsha oblys ákiminiń tóraǵalyǵymen óńirlik komıssııa jáne sarapshylar keńesi qurylǵan, dep habarlaıdy óńir basshysynyń baspasóz qyzmeti. Sarapshylyq keńesiniń quramynda jergilikti zııaly qaýym ókilderi, ǵalymdar, úkimettik emes uıym ókilderi bar. Maqalada belgilengen 6 baǵyt boıynsha jumystar kezeń-kezeńimen atqarylýda. Búgin bul týraly OQO óńirlik kommýnıkatsııalar qyzmetinde ótken brıfıngte oblystyq «Rýhanı jańǵyrý» jobalyq keńseniń basshysy Baqytjan Áshirbekov málim etti.
Máselen, oblysta qasıetti jerlerdiń tizimin qalyptastyrýǵa usynystar ázirleıtin óńirlik jumys toby qurylyp, kıeli jerlerdiń óńirlik kartasynyń jobasy jasaldy. Qazirgi tańda «Qasıetti Qazaqstan» ortalyǵymen jalpy respýblıka boıynsha 100 nysan iriktelip alynsa, onyń ishinde Ońtústik Qazaqstan oblysynan 25 nysan engizilgen. Oblys kóleminde baǵdarlamalyq maqalanyń basymdyqtaryn júzege asyrý boıynsha «Túrkistan - Túrki áleminiń mádenı astanasy» jobasyn erekshe ataýǵa bolady. Munyń aıasynda 40-tan astam shara ótkizildi.
«Oblysta «Týǵan jer» arnaıy jobasy boıynsha 50 joba daıyndalyp, 150-den asa is-shara júzege asyrylýda. Sondaı-aq, kásipkerler men demeýshilermen jalpy 31 mlrd 467 mln teńgeni quraıtyn 577 óńirlik joba júrgizilip keledi. Onyń ishinde, 2017 jyly 6342,8 mln teńgege 473 nysan aıaqtalyp, paıdalanýǵa berildi. Jalpy «Rýhanı jańǵyrý» baǵdarlamasy endi jańa jobalar boıynsha júrgiziledi»,- dedi Baqytjan Aıdarhanuly.
Sonymen qatar, oblys basshysynyń qoldaýymen tarıhı-mádenı muralarymyzdy nasıhattap, jastarǵa patrıottyq tárbıe berý maqsatynda «Kóne jetigenniń syry» atty 10 serııaly telehıkaıa, «Kıeli Qazyǵurt», «Otyrardy qorǵaý», «Kúsh atasy - Qajymuqan» atty anımatsııalyq jáne «Uly Jibek Jolyndaǵy eskertkishter» syndy derekti fılmder túsirilip, el nazaryna usynyldy.
«Rýhanı jańǵyrý» jobalyq keńseniń bas menedjeri Damır Júnisovtiń aıtýynsha, Elbasynyń maqalasyndaǵy atalǵan 6 baǵyt boıynsha óńirde aǵymdaǵy jyly jańa tyń jobalar qolǵa alynyp, atqarylatyn jumystar jandana túsedi. Atap aıtqanda, túrli taqyrypta derekti jáne anımatsııalyq fılmder, respýblıkalyq forýmdar, tanymdyq baıqaýlar men festıvalder uıymdastyrylady. 
