Rýhanı jańǵyrý baǵdarlamasy elge paıdasyn tıgizedi - sheteldik sarapshy

ASTANA. QazAqparat - Sıngapýr ustazdary kásipodaǵynyń prezıdenti Maık Tırýman Qazaqstan Prezıdenti Nursultan Nazarbaevtyń «Bolashaqqa baǵdar: Qoǵamdyq sanany jańǵyrtý» maqalasyna qatysty óziniń pikirin bildirdi.

«Jańa bilim alý men kásibı ıkemdilikten basqa Nursultan Nazarbaev qazaqstandyqtar sanasynyń ashyq bolýy men aldaǵy jetistikterdi qamtamasyz etý úshin Qazaqstan qabyldaýǵa tıisti túbegeıli ózgeristerdi nyǵaıtý qajettigine nazar aýdarady», - dedi ol.

Onyń aıtýynsha, bilim transformatsııasyna berilgen basymdylyq Prezıdenttiń ár qazaqstandyqtyń oıynyń alǵyr, bolashaqta kez-kelgen syn-qaterlerge beıimdilik qabileti bolýyn shynaıy qalaıtyndyǵyn dáleldeıdi.

«Ol ár qazaqstandyqtyń dińgegi bekem, rýhy myqty, patrıottyq seziminiń joǵary bolǵandyǵyn, qazirgi zamannyń aǵymyna saı mádenıettilik pen ashyqtyq, sondaı-aq, pragmatıkalyq tásilderdi sezine otyryp, qazaqstandyq qoǵamnyń qundylyqtaryn túsingenin qalaıdy», - dedi Maık Tırýman.

Sıngapýrlyq sarapshy Qoǵamdyq sanany jańǵyrtý baǵdarlamasynyń júzege asyrylýy elge aıtarlyqtaı paıdasyn tıgizetindigin atap aıtty.

«Eger Qazaqstan Prezıdent Nazarbaevtyń bastamasyn júıeli iske asyratyn bolsa, eldiń qazirgi álemdegi mádenı, saıası jáne ekonomıkalyq ortalyqqa aınalatynyna senimdimin», - dedi oqytýshy.