Rýhanı jańǵyrý: Almatydaǵy joǵarǵy oqý oryndary «University 38» alıansyn qurdy
Jańadan qurylǵan Ýnıversıtetter alıansynyń maqsaty ustazdar qaýymy men JOO sarapshylarynyń áleýetin Rýhanı jańǵyrý baǵdarlamasyn júzege asyrýǵa paıdalaný. Halyqaralyq Bıznes ýnıversıtetiniń Áleýmettik damý salasy boıynsha prorektory Qaıyrjan Meńdiǵalıev Alıanstyń negizgi mindetin atap kórsetti.
«Bizdiń quryp otyrǵan U-38 (University 38) Alıansynyń negizgi mindeti - «Rýhanı jańǵyrý» baǵdarlamasyn júzege asyrý baǵytyndaǵy JOO-lardyń kúshin biriktirý. Ál-Farabı atyndaǵy QazUÝqazirgi ýaqytta bastamashy bolyp otyr. Barlyq oqý oryndarynyń birigýi ustazdardyń kúshin biriktiredi. Endi biz ǵylymı, áleýmettik sııaqty birqatar baǵyttardy anyqtap alyp, jumys josparlaryn qarastyramyz», - dedi Qaıyrjan Meńdiǵalıev.
Almaty Energetıka jáne baılanys ýnıversıtetiniń Tárbıe isi jónindegi prorektory Zarema Abdýllına patrıottardy tárbıeleýde JOO-lardyń kúsh biriktirýi óte mańyzdy ekenine toqtaldy.
«Bul ıdeıa «Rýhanı jańǵyrý» baǵdarlamasyn kútken, pisip, ýaqyty jetken joba desek bolady. Sebebi, «Rýhanı jańǵyrýdyń» basty ózegi - rýhanı qunydylyqtarymyzǵa oralý. Al bul mindetti biz birliksiz atqara almaımyz. Biz kópultty elmiz. Ózge kópultty eldermen salystyrǵanda biz tatý turamyz, nege? Óıtkeni, biz barlyǵymyz Qazaqstandy súıemiz. Osy baǵytta stýdentterdi tárbıeleýde ár Ýnıversıtet orasan zor qyzmet atqaryp otyr. Biraq, árkim ózinshe qımyldaıdy. Sondyqtan, bizdiń birigýimiz - mańyzdy. Biz buǵan uzaq daıyndaldyq. Maqsatymyz aıqyn: Memleket basshysy kórsetip bergen mindetterdi jastardyń boıyna sińirý. Atap aıtqanda, mádenıet, básekege qabilettilik, pragmatızm syndy adam kapıtalyn damytatyn jańa zaman talaptary», - dedi ZaremaAbdýllına.
JOO ókilderiniń aıtýynsha, búgingi tańda Almatyda Ýnıversıtetterde «Rýhanı jańǵyrý» baǵdarlamasyn júzege asyrýǵa atsalysa alatyn 15 myńnan astam ustaz bar. Almatyda barlyǵy 38 joǵarǵy oqý orny jumys isteıdi.
