Rýhanı Jańǵyrý: Almatyda ýnıversıtetterdiń alıansy quryldy
Alıans quramyna ońtústik astanadaǵy barlyq 38 ýnıversıteti kirdi. Alıanstyń negizgi maqsaty - «Rýhanı jańǵyrý» baǵdarlamasyn iske asyrýda joǵary oqý oryndarynyń oqytýshylary men sarapshylarynyń áleýetin tartýǵa múmkindik beredi.
«Ýnıversıtetterdiń mıssııasy - qoǵamymyzdyń rýhanı jańarýynyń mańyzdy quramy bolyp tabylady. Ol tek bilikti kadrlardy ǵana emes, sonymen qatar eldiń azamattaryn qalyptastyrady. Sanany jańǵyrtýdyń negizgi quraly - básekege qabilettilik, ashyqtyq, pragmatızm, ulttyq kodty saqtaý prıntsıptary bar patrıottyqty qalyptastyrady. Osy Alıansty qurýǵa bizder uzaq daıyndaldyq. «Rýhanı jańǵyrý» baǵdarlamasyn júzege asyrýdaǵy joǵary oqý oryndary muǵalimderiniń orny erekshe. Qalada shamamen 15 myń muǵalim bar. Bizde naqty josparlar bar. Alıans «Rýhanı jańǵyrý» strategııasyn qoldaýǵa baǵyttalǵan, qalamyzdyń barlyq muǵalimderiniń tájirıbe almasýyna kómektesetin jańa shyǵarmashylyq alańǵa aınalady jáne ýnıversıtetterdiń rýhanı jańǵyrýdaǵy draıveri bolýyna yqpal etedi», - dedi Ál-Farabı atyndaǵy Qazaq Ulttyq ýnıversıtetiniń prorektory Sholpan Jamanbalaeva.
Ýnıversıtetter alıansy muǵalimderdiń birinshi qalalyq forýmyn, qasıetti oryndar týraly ǵylymı konferentsııa, qazaqstandyq mádenıetti tanymal etý úshin ınternet-jobalardy jáne t.b. is-sharalar ótkizýdi josparlap otyr.
«Búgin qalanyń barlyq ýnıversıtetterinde «Rýhanı jańǵyrý» boıynsha jumystar júrgizip keledi. Árbir ýnıversıtette ózderiniń jobalary bar. Endi mine alıans arqyly biz kúsh-jigerimizdi biriktirip, jalpyqalalyq jobalardy júzege asyrýdy kózdep otyrmyz. Máselen, Alıans aıasynda oqytýshylardan, jas ǵalymdardan, doktoranttar men magıstranttardan jınalǵan túrli baǵyttaǵy turaqty sarapshylar klýby qurylatyn bolady», - deıdi Abaı atyndaǵy Qazaq Ulttyq pedagogıkalyq ýnıversıtetiniń prorektory Janatbek Shpekbaev.
Memleket basshysynyń maqalasynda anyqtalǵan qundylyqtardy stýdent jastar arasynda nasıhattaýdy alıans basty mindetteriniń biri etip qoıyp otyr.
«Elbasy bizge naqty mindetter júktedi. Biz árıne daıynbyz. Ótken jyly árbir ýnıversıtet óz sharasyn jeke uıymdastyrdy. Búgin biz birigip, úlken kúshke aınalyp otyrmyz. Árbir muǵalim artynda júzdegen, myńdaǵan stýdentter bar. Ýnıversıtetter alıansy shyn máninde «Rýhanı jańǵyrý» baǵdarlamasyn júzege asyrýda shyǵarmashylyq, ashyq, tanymdyq jáne jańashyl alańyna aınalatynyna senimdimiz», - dedi UIB ýnıversıtetiniń prorektory Qaıyrjan Meńdiǵalıev.
Sonymen qatar, uıymdastyrýshylar plıanstyń ataýy týraly óz pikirlerin bildirdi.
«Ózderińizge belgili Almatyda búgingi kúni 38 ýnıversıtet bar. Bizder osy bir shańyraq astyna birigip, alıansty «University 38» ataýdy jón kórdik», - dedi Abylaı han atyndaǵy Qazaq halyqaralyq qatynas jáne álem tilderi ýnıversıtetiniń prorektory Tatıana Serejkına.
