Rýhanı jańǵyrý: Áleýmettik jobalarǵa konkýrs jarııalandy

NUR-SULTAN. QazAqparat – «Rýhanı jańǵyrý» qazaqstandyq qoǵamdyq damý ınstıtýty» KEAQ «Ózgeristerdiń sarýarlary» akseleratory aıasynda áleýmettik jobalar konkýrsynyń bastalýy týraly habarlaıdy.

Konkýrs Qazaqstan Respýblıkasy Aqparat jáne qoǵamdyq damý mınıstrliginiń qoldaýymen uıymdastyrylyp, 2020 jylǵy 15 qańtardan sol jyldyń 28 aqpanyna deıin jalǵasady. «Akseleratordyń negizgi mindeti áleýmettik, gýmanıtarlyq saladaǵy ınnovatsııalyq jobalardy ilgeriletý úshin jaǵdaı jasaý, qoǵamdyq sanany jańǵyrtýǵa baǵyttalǵan ozyq tájirıbeni taratý bolyp tabylady. Jyl sońyna qaraı akseleratordyń keminde 10 jobasy respýblıkalyq mártebege ıe bolady jáne maqsatty aýdıtorııany keńinen qamtıdy», - dedi «Rýhanı Jańǵyrý» QQDI Basqarmasynyń tóraǵasy Kemelbek Oıshybaev. Baıqaýǵa qatysýǵa qyzmeti kelesi baǵyttardy qamtıtyn ǴÓB ókilderi, kásipkerler, Nur-Sultan qalasyndaǵy bastamashyl toptar shaqyrylady:

-Inklıýzıvti qoǵamdy damytý (jetim balalardy jáne ata-anasynyń qamqorynsyz qalǵan balalardy, qart adamdardy, erekshe qajettilikteri bar adamdardy, az qamtylǵan kóp balaly otbasylardy qoldaý), Formaldy emes bilim berý sheńberinde (qarjylyq, quqyqtyq, medıalyq, IT, sandyq saýattylyq, aǵylshyn, memlekettik tilderdi meńgerý) ózekti quzyrettilikterdi damytý;

- Aýyl sharýashylyǵy, ólketaný, bilim berý týrızmin damytý;

-Mádenıet, óner jáne halyq shyǵarmashylyǵy salasyndaǵy jobalardy biriktiretin Art-alańdardy damytý,

-Halyqtyń ekologııalyq mádenıetin damytý;

-Júıeli jobalyq oılaýdy damytý, kóshbasshylyq áleýetti nyǵaıtý.

Konkýrstyq irikteýden ótken jáne akseleratorǵa kirgen jobalar jobany aqparattyq qoldaý, qarjylandyrý kózderin izdestirýge, bıznes-jospardy ázirleýge, jańa seriktester men negizgi uıymdardy izdestirýge járdemdesý múmkindigine ıe bolady.

Konkýrsqa qatysý úshin siltemesi boıynsha tirkeýden ótý qajet.

1-qosymshaǵa sáıkes qazaq/orys tilderinde ótinim berý ýaqyty: 2020 jyldyń 28 aqpany, Nur-Sultan qalasynyń ýaqyty boıynsha saǵat 18:00-ge deıin.

Akseleratorǵa irikteý kezinde mynadaı krıterıılerge sáıkes keletin jobalarǵa artyqshylyq beriledi:

1. Jobalaý qujattamasynyń pysyqtalýynyń joǵary dárejesi,

2. Jobanyń pılottyq rejımde iske asyrylýy,

3. Jobalyq komandanyń qajetti mamandarmen jasaqtalýy,

4. jobanyń masshtabtaýǵa daıyndyǵy,

5. konkýrsqa joba ıdeıalary nemese joba pılottyq rejımde iske asyrýdyń bastapqy satysynda usynylǵan jaǵdaıda tańdalǵan saladaǵy jobalardy iske asyrýdaǵy jobalyq komanda qatysýshylarynyń ótken tájirıbesi eskeriledi.