Rýhanı jańǵyrý: Aqmolada 55 eskertkish QR-kod arqyly tsıfrlandyryldy
Qazirgi kezde, óńirde «Eskertkishter syr shertedi» aktsııasy jáne qazirgi zamanǵy tehnologııa - QR-kodtardyń kómegimen óńirdegi kıeli nysandar týraly aqparatty tsıfrlandyrý boıynsha pılottyq joba oıdaǵydaı júzege asyrylyp jatyr. Atalmysh joba sheńberinde óńirdegi 55 eskertkish QR-kod arqyly tsıfrlandyryldy.
Olardyń arasynda Býrabaı kentindegi Abylaı han alańy, Ereımentaý aýdanynda XVIII ǵasyrda ómir súrgen qolbasshy Bógenbaı batyr eskertkishi, Atbasar aýdanyndaǵy tanymal jazýshy Іlııas Esenberlın eskertkishi, Kókshetaý qalasyndaǵy Abylaı han, Aqan seri, Birjan sal, Uly Otan soǵysynyń batyrlary Talǵat Bıgeldınov pen Málik Ǵabdýllın eskertkishteri jáne Kókshetaý qalalyq murajaıy sııaqty nysandar bar.
QR-kodtyń basty artyqshylyǵy - smartfondaǵy mobıldi qosymsha arqyly tsıfrlandyrylǵan aqparatty anyqtaýǵa ońaı. ıAǵnı, QR-kodtary bar keste arqyly óńirdiń tarıhı jáne mádenı nysandarymen tanysýǵa bolady. Onlaın júıe arqyly qajetti aqparatty da júkteýge múmkindik beredi. Buǵan qosa, QR-kodtar arqyly negizgi tarıhı málimetter bar mátinnen bólek, tarıhı tulǵa men oqıǵalar týraly kórkem fılm júkteýge bolady. Atalmysh joba oblys turǵyndary men qonaqtary jáne týrısterden bólek, tanymdyq jaǵynan ósip kele jatqan keleshek urpaqtyń da qyzyǵýshylyǵyn arttyratyny sózsiz.
