Rýhanı jańarý qoǵamǵa da, adamǵa da kerek - Sholpan Qydyrnııazova
Onyń aıtýynsha, atalmysh maqala qalǵyp ketkenderdi oıatyp, «Elim, jerim, ultym!» - deıtin ár qazaqtyń rýhyn qanattandyrdy. Rýhanı jańarý qoǵamǵa da, adamǵa da kerek edi. Qoǵammen birge sana, dástúrdiń ozyǵy, salttyń synnan súrinbegeni zaman talabyna saı satyǵa kóterilýi shart.
«Qanymyzǵa sińgen kóptegen daǵdylar men taptaýryn bolǵan qasań qaǵıdalardy ózgertpeıinshe, bizdiń tolyqqandy jańarýymyz múmkin emes. Biz jańǵyrý jolynda babalardan mıras bolyp, qanymyzǵa sińgen, búginde tamyrymyzda búlkildep jatqan izgi qasıetterdi qaıta túletýimiz kerek," -deıdi Nursultan Ábishuly. Iá. Oryndy sózge toqtaımyz, aıtylǵandardyń buqaraǵa da, bılikke de qatysty ekenin moıyndaımyz, eki jaqtyń da túsinistikpen jańǵyrýyn qoldaımyz. Elbasy qadap aıtqan ulttyq sanamyzdy kemeldendirý, rýhymyzdy uıyqtatpaý, básekede bástesý, salt-dástúr biregeıligin saqtaý, bilimimiz ben biliktiligimizdi jetildirý, ózińdi ózgege moıyndatý, jónsiz jershildiktiń jolyn kesý, maqsatsyz masattanýdan arylý, álemdi taný men álemge tanylý bizdiń ortaq múddemiz bolýy tıis.
«Jańarǵan qoǵamnyń óziniń tamyry tarıhynyń tereńinen bastaý alatyn rýhanı kody bolady», - dedi Elbasy. Sonyń biregeıi - til. Men ózim til mamany retinde memlekettik tilimizdi latyn álipbıine birtindep kóshirýdi qoldaımyn. «Eshqashan da úlken qıynshylyqtarsyz kúrdeli ister bolmaıdy», - dep frantsýz jazýshysy Volter (Fransýa-Marı Arýe) aıtqandaı, myń kiside myń túrli pikir bolady, egemendi eldiń erteńin oılasaq, biraýyzdylyq tanytyp, latyn álipbıine kóshken elderdiń qatelikterin qaıtalamaı, jumysqa jumyla kirisýimiz kerek, ultymyz utpasa, utylmas, ýaqyt jetti, men otarlanǵan tilimizdi ońtaılandyrýdyń ońdy joly osy dep oılaımyn.
«Bilimdi bolý - jańalyq ashýǵa qabiletti bolý», - deıdi orta ǵasyrdyń ataqty oıshyly, entsıoklopedıst, Arıstotelden keıingi dúnıejúzi bilimi men mádenıetiniń ekinshi ustazy Ábý Nasyr Ál-Farabı. Maqaladaǵy «Jańa gýmanıtarlyq bilim. Qazaq tilindegi 100 jańa oqýlyq» jobasy - ıgilikti ıdeıa, talaby zor, talǵamy bıik urpaq tárbıesiniń utymdy ustanymy.
«Týǵan jerge týyńdy tik» jobasy kindigimizben baılanǵan, qımasymyzǵa aınalǵan, adamdyqtyń besigi, adaldyqtyń esigi, tózimniń tóbesi, kóńildiń kóbesi, ónegeniń óresi - aýyldy urpaqqa ulyqtap, qarapaıym jaı qazaq pen básekege qabiletti baı qazaqtyń, ózge tildi ómirimizge tileýles turǵyndardyń patrıottyq sezimderin oıatyp, aýyldardy damytýdy, mádenı oryndar men tarıhı eskertkishterdi qalpyna keltirýdi kózdeıdi. Batys Qazaqstan oblysynda bul baǵytta júrgizilip jatqan ońdy isterdiń baryn bilemiz. «Jaıyqtyń jaýharlary» , «Balbal tastar tarıhy» degen baǵyttaǵy oblystyq, osy baǵyttaǵy aýdandyq jobalar jasalsa, keremet bolar edi.
«Jahandaǵy zamanaýı qazaqstandyq mádenıet», «Qazaqstandaǵy 100 jańa esim» jobalary da kóńilge qýanysh syılaıdy. «Aýyldyń ardaqtysy» nemese «Oblystaǵy on esim» degen sııaqty óńirlik nusqa jasaýǵa bolady. Qoryta aıtqanda, Elbasynyń maqalasy mańyzdylyǵymen, mazmundylyǵymen eldi eleń etkizdi, jańa serpin syılady, al «Egemen Qazaqstan» basylymy Elbasynyń júrekjardy taǵylymdy da tııanaqty tujyrymyn halqyna jetkizdi. Sol úshin úlken rahmet! Búginimiz berekeli, erteńimiz eńseli, keleshegimiz kemel bolsyn. Men elimniń erteńine senemin», dep túıindedi oıyn Sholpan Qydyrnııazova.
