Rýhanı kelisim kúni - halyq birliginiń belgisi
ASTANA. 17 qazan. QazAqparat - 18 qazan elimizde Rýhanı kelisim kúni retinde atalyp ótiledi. 1992 jyldan beri merekelenetin ataýly kúnniń mańyzy zor. Óıtkeni 17 konfessııa men 140 ult ókili turatyn elimiz úshin rýhanı kelisim, turaqtylyq pen tatýlyqtyń orny bólek, dep habarlaıdy elordanyń resmı saıtynan.
"Osy merekege oraı respýblıkanyń túkpir-túkpirinde dóńgelek ústelder, konferentsııalar, odan bólek dindar adamdar ózderiniń shirkeýlerinde bul máselege baılanysty kezdesýler ótkizedi", - dedi Mádenıetter men dinderdiń halyqaralyq ortalyǵy Taldaý jumysy bóliminiń basshysy Azamat Jetpisbaev.
Qaqtyǵystar men janjaldarǵa shekteý qoıyp, qaıyrymdylyq pen kómekke shaqyratyn, syılastyq pen birlikti arttyratyn merekeniń mańyzy jyl saıyn artyp keledi. Tipti, ózge din ókilderi de Rýhanı kelisim kúnin asyǵa kútetin kórinedi.
Qazaqstan - táýelsiz, zaıyrly jáne demokratııalyq memleket. Dese de, ózara yntymaqtastyqty kúsheıtýge negizdelgen jıyndar kóptep uıymdastyrylady. Olardyń biregeıi - 2003 jyldan beri ótetin Álemdik jáne dástúrli dinder lıderleriniń sezi. Sezd zorlyq-zombylyq, ekstremızm jáne terrorızm sııaqty teris kórinisterdi boldyrmaýdyń aldyn alýǵa zor yqpal etip keledi.
