Rýhanı kelisim kúni aıasynda elordalyq 500 ardagerge syılyq beriledi
ASTANA. QazAqparat - Búgin elordada «Beıbitshilik, kelisim jáne rýhanııat mádenıeti» atty ǵylymı-tájirıbelik konferentsııa óz jumysyn bastady.
«Menińshe, bul konferentsııany bostan-bos ótkizip otyrǵan joqpyz. Osy konferentsııamyzǵa at basyn burǵan myńdaǵan adamdar shetelderde ózderiniń uıymdaryna basshylyq jasaıdy. ıAǵnı, biz osy jerde talqylaǵan máselerdi olar elderine aparyp, álemniń basqa da memleketteriniń myńdaǵan azamatyna taratady», - dedi konferentsııa ashylýy qarsańynda uıymdastyrylǵan brıfıngte uıymdastyrý komıtetiniń tóraǵasy Tólegen Muhamedjanov.
Onyń atap ótýinshe, konferentsııa barysynda beıbitshilik pen kelisim, ıadrolyq qaýipsizdik, dinı lańkestik pen ekstremızm syndy ózekti máselelerge qatysty problemalar talqyǵa túsetin bolady.
Sharaǵa Argentına, Avstrııa, Germanııa, Grýzııa, Lıvan, Izraıl, Úndistan, Iran, Ispanııa, AQSh, Ýkraına, Reseı, Frantsııa syndy elderdiń qoǵam qaıratkerleri, QR Parlamenti depýtattary, Qazaqstan halqy Assambelıasynyń músheleri qatysýda.
Aıta keterligi, erteń rýhanı kelisim kúniaıasynda «Merekelik syı-sııapat» sharasy uıymdastyrylyp, elordada eriktiler 500 soǵys jáne eńbek ardagerleriniń úılerine baryp, tartý-taralǵy syılaıdy.
