Rýhanı baılyqtyń qalyptasýyna ardagerlerge degen oń ózgeristiń óz áseri bar - Baıkal Hamzın
ALMATY.13 aqpan. QazAqparat - Almatyda áli kúnge deıin páter almaǵan Ekinshi dúnıejúzilik soǵystyń ardagerleri bar.
Bul jaıly qalalyq ákimdiktiń janyndaǵy «Aýǵan soǵysy ardagerleri men múgedekteri qoǵamdyq birlestikteriniń úılestirý keńesi» tóraǵasynyń orynbasary Baıkal Hamzın búgin baspasóz máslıhatynda aıtty.
«Aýǵanstannan Keńes armııasynyń shyǵarylǵanyna 23 jyl toldy. Olardyń áleýmettik jaǵdaıy áli tolyq sheshilgen joq. Sondyqtan ardagerler týraly arnaıy zań kerek. Ol bizge ǵana emes, memlekettiń ózine de qajet. Rýhanı baılyqty jasaýda aqsaqaldarǵa degen oń kózqarastyń mańyzy zor», - deıdi B.Hamzın. Onyń aıtýynsha, eldiń baılyǵy eń aldymen onyń halqy. Máselen 1993-2001 jyldary bitimgerlik kúshter quramynda Tájikstanda 10 myń qazaqstandyq jaýynger óz boryshyn ótedi. Olardyń áli kúnge deıin áleýmettik mártebesi anyqtalǵan joq. Reseıde olarǵa soǵys ardageri degen mártebe berilgen. Sol sebepti bul másele aldaǵy aptada Astanada ótetin alqaly jıynda araıy talqylanyp, arnaıy zań jobasy Parlament qaraýyna usynylmaq.
