Rýhanı: Amerıkandyq Iranǵa qysym jasaý saıasaty halyqaralyq zańdarǵa qaıshy
ASTANA. 4 tamyz. QazAqparat - Iranǵa qysym kórsetip otyrǵan AQSh saıasaty halyqaralyq zańdarǵa qaıshy, dep málimdedi Iran prezıdenti Hasan Rýhanı. Bul týraly Rosbalt habarlady.
«IIR-nyń paıymdaýynsha, AQSh jáne Batys tutastaı alǵanda «dos emes» eldermen qaqtyǵysýǵa árqashan da ilik izdeıdi. Al, Irannyń barlyq ıadrolyq ortalyqtary MAGATE ınspektorlarynyń baqylaýynda tur», - dedi Rýhanı dinı kóshbasshy Álı Hameneı prezıdent laýazymyna bekitkennen keıin KHDR Joǵarǵy halyq jınalysy Turaqty keńesiniń basshysy Kım En Nammen kezdesý ústinde.
Kım En Nam óz kezeginde KHDR Irannyń beıbit ıadrolyq baǵdarlamasyn júzege asyrýǵa ajyramas quqyǵyn únemi qorǵap keledi, dep atap ótti.
Eske sala keteıik, 1 tamyzda AQSh kongresiniń ókilder palatasy Iranǵa qarsy ekonomıkalyq sanktsııalardy qataıtatyn jańa zań jobasyn maquldady. Qujat jyl boıy ıran munaıy eksportyn kúnine taǵy mıllıon barrelge qysqartýdy kózdeıdi.
AQSh kongresiniń tómengi jáne joǵarǵy palatalary jasaǵan zań jobalary Irannyń ken óndirý jáne qurylys sektorlarynyń kásiporyndaryn «qara tizimge» engizýdi, sondaı-aq 2015 jylǵa qaraı Iran munaıynyń eksportyn tolyq jabý maqsatyn qarastyrady. AQSh-tyń ótken jyly kúshine engen sanktsııalary qazirdiń ózinde ıran munaıyn shetelge shyǵarýdy eki ese qysqartýǵa ákep soqty.
Atap óterligi, sanktsııalar jeksenbi kúni bolatyn Irannyń jańa prezıdenti Hasan Rýhanıdiń ant qabyldaýynan birneshe kún buryn maquldandy.
