Rýdnyılyq eks-depýtat shartty túrde sottaldy
QOSTANAI. QazAqparat - Rýdnyı qalalyq máslıhatynyń burynǵy depýtaty ıÝlııa Karalash prokýrormen protsessýaldyq kelisim jasap, 3 jylǵa shartty túrde sottaldy, dep habarlaıdy QazAqparat tilshisi.
Rýdnyı qalalyq sotyna QR QK 309-baby 2-bóligi 2-tarmaǵy («Jezókshelikpen aınalysýǵa arnalǵan prıtondar uıymdastyrý nemese olardy ustaý jáne jeńgetaılyq») boıynsha aıyptalǵan Rýdnyı qalalyq máslıhatynyń burynǵy depýtaty ıÝlııa Karalashqa qatysty qylmystyq is tústi. QR QPK 29-baby 1-bóligi talaptaryna sáıkes, sot isine qatysatyn adamdardyń jeke ómirine qatysty málimetterdiń jarııa etilýin boldyrmaý maqsatynda sot qylmystyq isti jabyq túrde ótkizýge sheshim qabyldanǵan.
«Qylmystyq is boıynsha, ıÝlııa Karalash prokýrormen protsessýaldyq kelisim jasady. Sot úkimimen ol 3 jylǵa shartty túrde sottaldy. Bul rette probatsııalyq baqylaý júrgiziletin bolady», - dep málim etti oblystyq prokýratýranyń baspasóz qyzmeti.
