Rýdnyıdyń eki turǵynyn órtegen kúdiktiler kinálaryn moıyndamady
ASTANA. QazAqparat - Rýdnyıda Qostanaı oblysy mamandandyrylǵan sotynyń kóshpeli otyrysy ótti, dep habarlaıdy QazAqparat «Alaý-TV» portalyna silteme jasap,
Aıýandyq qylmys boıynsha aıyptalýshylar - 24 jastaǵy Sergeı Egoshın, onyń 27 týysqan aǵasy Pavel Egoshın, 31 jastaǵy Artem Samadahov, 33 jastaǵy Vıtalıı Samadahov pen 30 jastaǵy Evgenıı Kýrochkın.
Іs materıaldaryna sáıkes, aǵymdaǵy jyldyń 1 shildesinde atalmysh bes azamat Rýdnyıdaǵy jazǵy dámhanalardyń birinde spırttik ishimdik iship otyrǵan. Buryn qara jáne tústi metaldardy jınaý ornynda jumys istegen sottalýshylardyń biri Sokolov-Sarybaı taý-ken baıytý óndiristik birlestigi brıgadasynyń statsıonarlyq turaǵynda tústi metall synyqtary bolǵanyn bilgen.
«Medıtsınalyq betperdeler taqqan olar, vagonǵa kirip, ondaǵy kúzetshi men onyń dosyna shabýyl jasaǵan. Olardy uryp, dalaǵa shyǵarǵan soń, qol-aıaqtaryn skotchpen baılaǵan. Odan ári zardap shegýshilerdiń ústine benzın quıyp, órtep jibergen», - delingen aıyptaý qujatynda. Japa shekkender qaza tapty.
Sottalýshylar jalpy salmaǵy 80 kelini, quny 96 myń teńgeni quraıtyn mys synyqtaryn urlaǵan.
Aıyptalýshylardyń beseýi de Rýdnyıdyń eki turǵynyn órtegenderin moıyndamady. Olar urlyq jasaǵandaryn ǵana aıtyp otyr.
Foto alau.kz
