Rýdnyıdan jalǵan lańkes erekshe rejimdegi kolonııada jazasyn óteıdi

QOSTANAI. QazAqparat - Stadıonǵa «mına qoıǵan» rýdnyılyqqa qatań úkim shyqty, ol 3 jyl erekshe rejimdegi kolonııada jazasyn óteıtin bolady. Bul týraly «QazAqparat» HAA tilshisi habarlady.

Qostanaı oblystyq sotynyń baspasóz qyzmetinde jarııalaǵan is materıaldaryna sáıkes, 15 qańtarda tún aýa qaskúnem «mas kúıinde «102» pýltyna habarlasyp, «Stadıon-Stroıtel» aıaldamasynda jarylǵysh zat qoıylǵanyn habarlaǵan». Oqıǵa ornyna jetken arnaıy qyzmet jáne polıtsııa qyzmetkerleri jarylǵysh zat tappady. Qońyraý shalǵan adam birden  anyqtaldy, ol buryn sottalǵan 35 jastaǵy jergilikti turǵyn bolyp shyqty.

Rýdnyı qalalyq sotynyń úkimimen qylmyskerge erekshe rejimdegi kolonııada 3 jylǵa jaza taǵaıyndaldy. Úkim shyǵarǵan kezde merzimin uzartýǵa buryn jasaǵan qylmysy sebep boldy.