Rýdnyıdaǵy jol apatynda 4 adam zardap shekti
QOSTANAI. QazAqparat - Qostanaı-Rýdnyı tasjolynda bolǵan iri jol-kólik oqıǵasynan soń tórt adam zardap shekti, dep habarlaıdy QazAqparat tilshisi.
Bul aqparatty Qostanaı oblysy ІІD baspasóz qyzmeti rastady. Jaraqat alǵandardyń barlyǵy qalalyq aýrýhanaǵa jetkizildi. Onyń úsheýi - rýdnyılyq. Bireýi Qostanaıda turady.
"Keýde tusy jaraqattanǵan 32 jastaǵy qostanaılyq dəriger qaraýynan soń úıine jiberildi. Al 60 jəne 47 jastaǵy əıelderdiń jaǵdaıy aýyr. Olar túrli dene jaraqattarymen jan saqtaý bólimine kóshirildi", - dep málim etti qalalyq aýrýhana dərigeri Vıacheslav Shelýbaev.
Sondaı-aq, 27 jastaǵy er adam da aýrýhanada jatyr. Onyń jaǵdaıy birqalypty.
