Rýdnyıdaǵy muz aıdyny satyldy
QOSTANAI. QazAqparat - Rýdnyıdaǵy muzdy sport saraıy gosreestr.kz saıty arqyly 103,3 mln teńgege satyldy, dep habarlaıdy QazAqparat tilshisi.
Negizi, gosreestr.kz portalynda bastapqy baǵa 103,2 mln teńge dep kórsetilgen bolatyn. Ǵımarat Rýdnyı qalalyq dene shynyqtyrý jáne sport bólimine qarasty «Rýdnyı-2017» sport klýby» KMQK menshiginde bolyp keldi. Osydan úsh jyl buryn sport saraıyn 1,6 mlrd teńgege kúrdeli jóndeýden ótkizilý josparlanǵan edi. Alaıda jergilikti bılik mundaı qomaqty qarajatqa jańa sport ortalyǵyn salǵandy tıimdirek sanady.
«Muz saraıynyń jalpy alańy 5793,7 sharshy metrdi quraıdy, jertóle qabaty bar bir qabatty ǵımarat. Ol 1980 jyly salynǵan. 19 sáýirdegi múlikti baǵalaý kezinde nysannyń jaǵdaıy qanaǵattanarlyq dep baǵalandy. Baǵalaýshylar muz alańyn qaıta jańartý qajet ekenin atap ótti», - delingen baǵalaý týraly esepte.
Aıta ketý kerek, bul sport ǵımaraty Qazaqstan chempıonatynda óner kórsetetin «Gornıak» hokkeı klýbynyń oıyn alańy sanalady.
