Rýdnyıdaǵy kólik apaty: Úshinshi adamnyń kim ekeni anyqtalmaı jatyr
RÝDNYI. QazAqparat - Qostanaı oblystyq TJD Rýdnyı - Qashar kúre jolynda bolǵan jan túrshigerlik jol apatyna qatysty málimdeme jasady, dep habarlaıdy QazAqparat tilshisi.
Belgili bolǵandaı, Rýdnyı - Qashar tas jolynda Daewoo Nexia jáne Audi 80 markaly avtokólikter soqtyǵysqan.
«Jol apaty saldarynan 3 adam qaza boldy: 1995 jyly týǵan er adam, 1979 jyly týǵan áıel, al úshinshi adamnyń kim ekeni áli anyqtalǵan joq. Zertteý jumystary jalǵasýda, - delingen TJD baspasóz habarlamasynda.
Kólik apaty kezinde túrli dárejede jaraqat alǵan 1978 jyly týǵan er adam men 1984 jylǵy áıel qalalyq aýrýhanaǵa jetkizildi.
Eske salsaq, keshe tańǵy saǵat 09:00 shamasynda Rýdnyı - Qashar avtojolynda eki kólik soqtyǵysqan. Áleýmettik jelide jan túrshigerlik jol apatynyń vıdeosy tarady.
