Rýdnyıdaǵy eki kisiniń ólimi: polıtsııa qylmyskerdi ustady
QOSTANAI.QazAqparat – Polıtsııa Rýdnyı qalasyndaǵy eki kisiniń ólimine qatysty is týraly jańa derekterdi jarııalady, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Qaıǵyly oqıǵa 18 tamyz kúni Rýdnyı qalasynda bolǵan. Saǵat 11:48-de «102» nómirine jeke turǵyn úı sektorynda qaıǵyly jaǵdaıdyń bolǵany habarlandy. Qalalyq polıtsııa basqarmasynyń ýchaskelik ınspektory habardy tekserý úshin oqıǵa ornyna shyqqan. Tártip saqshysy turǵyn úı ishinen 53 jastaǵy er adam men 43 jastaǵy áıeldiń múrdesin tapty. Olardyń zorlyqpen óltirilgeni anyqtaldy.
«Osy iske qatysty Qostanaı polıtsııasy arnaıy top qurdy. Іzdeý sharalarynyń nátıjesinde 41 jastaǵy jergilikti turǵyn ustaldy. Ol buǵan deıin birneshe ret sottalǵan», - delingen polıtsııa aqparatynda.
Qazir atalǵan fakti boıynsha QR QK 99-babynyń 2-bóligimen («Adam óltirý») tergeý bastaldy. Kúdikti kinásin tolyǵymen moıyndady.
