Rýdnyıdaǵy aqaý shyqqan attraktsıon: is sotqa jetti
QOSTANAI. QazAqparat - Rýdnyı qalasynda jańadan salynǵan sholý dóńgeleginiń jumysy ýaqytsha toqtady, dep habarlaıdy QazAqparat oblystyq sottyń baspasóz qyzmetine silteme jasap.
«2019 jylǵy 14 mamyrda Qostanaı oblysynyń mamandandyrylǵan aýdanaralyq ekonomıkalyq sotynyń keńsesine «Rýdnyı qalasy Tutynýshylardyń quqyqtaryn qorǵaý ortalyǵy» qoǵamdyq birlestigi, Rýdnyı qalasy ákimdiginiń «Rýdnyı qalalyq qurylys bólimi» MM jáne Rýdnyı qalasy ákiminiń apparatynan talap aryz kelip tústi. Ol boıynsha Rýdnyı qalasyndaǵy «Sholý dóńgelegi» attraktsıonyn paıdalanýǵa tyıym salý týraly azamattyq is qozǵaldy», - delingen oblystyq sottyń baspasóz habarlamasynda.
Azamattyq sot isin júrgizý sheńberinde sot atalǵan attraktsıondy paıdalanýdy ýaqytsha toqtatý týraly sheshim qabyldady. Qazirgi ýaqytta tıisti sot saraptamalaryn taǵaıyndaý máselesi sheshilýde.
Eske salsaq, Rýdnyı qalasynyń turǵyny sholý dóńgeleginiń durys aınalmaı turǵanyna shaǵymdanyp, áleýmettik jelilerge beınejazba taratqan bolatyn. Alaıda, «AlataýGorStroı» JShS merdigerlik uıymynyń ókili Aleksandr Korenevtiń sózinshe, sholý dóńgelegi paıdalanýǵa berilgen ýaqytta aqaýsyz jumys istegen.
