Rýdnyıda jylý trassasy órtenip, úı-kúıi joq adam qutqaryldy
QOSTANAI. QazAqparat - Rýdnyıda jylý trassasy janyp, bir adam kóz jumdy, dep habarlaıdy QazAqparat Qostanaı oblysy TJD baspasóz qyzmetine silteme jasap.
Oqıǵa keshe keshke Rýdnyı qalasynda bolǵan. Vedomstvoda habarlaǵandaı, jylý trassasynyń astynda 10 sharshy metr alańdaǵy qoqys órtengen.
«Oqıǵa ornynan janyp ketken er adamnyń máıiti tabyldy. Onyń jeke tulǵasy anyqtalyp jatyr. Al 1960 jyly týǵan er adam (úı-kúıi joq kezbe) qutqaryldy. Órtengen qoqystardy sóndirý jumystary bir saǵatqa jýyq sozyldy»,- dep túsinikteme berdi oblystyq TJD baspasóz qyzmeti.
Órt saǵat 19:39-da tolyǵymen sóndirildi. Oqıǵa ornyna TJD-nyń 9 qyzmetkeri jáne 2 arnaıy tehnıkasy jumyldyryldy.
Illıýstratsııalyq foto
