Rýdnyıda jylý toraby qudyǵynan órt shyǵyp, bir adam qaza tapty
RÝDNYI. QazAqparat – Qostanaı oblysy Rýdnyı qalasynda jylý toraby qudyǵynda órt shyqqan, dep habarlaıdy QazAqparat QR ІІM Tótenshe jaǵdaılar komıtetine silteme jasap.
15 qańtar kúni saǵat 20:48-de órt sóndirý qyzmetine Rýdnyı qalasy Stroıtelnyı kóshesiniń boıyndaǵy jylý ótetin joldyń jylý toraby qudyǵynda órt shyqqany týraly habar túsken.
Órt sóndirýshiler kelgen kezde qudyqtan qoıý tútin shyǵyp jatqan. Órt sóndirýshiler órt sóndirýge kirisip, saǵat 21:15-te tilsiz jaýdy aýyzdyqtady. Oqıǵa ornynan denesin kúıik shalǵan 1978 jylǵy er adamnyń máıiti tabyldy. Ol turǵylyqty mekenjaıy joq adam bolyp shyqty.
Jalyndy sóndirýge Qostanaı oblystyq TJD jeke quramynan 8 adam jáne 2 tehnıka tartyldy.
Órt otty durys qoldanbaý saldarynan (temeki shegý) shyqqan.
