Rýdnyıda jolaýshylar avtobýsy apatqa ushyrap, 1 adam kóz jumdy
QOSTANAI. QazAqparat - Rýdnyı qalasyndaǵy jol apatynan 25 jastaǵy er adam kóz jumdy, dep habarlaıdy QazAqparat oblystyq ІІD baspasóz qyzmetine silteme jasap.
Kólik oqıǵa búgin saǵat 19.00 shamasynda Lenın jáne Marıte kósheleriniń qıylysynda boldy. Jitiqaradan kele jatqan mıkroavtobýs jol qıylysyndaǵy BMW avtokóligine soǵyldy.
«Kólik oqıǵasy saldarynan mıkroavtobýstaǵy 1993 jyly týǵan jolaýshy kóz jumdy. Kólik ishindegi taǵy 10 adam jáne jaıaý júrginshi túrli dene jaraqattarymen aýrýhanaǵa tústi», - dedi ІІD baspasóz hatshysy Irına Bejenar
Qazir apat ornynda jergilikti polıtsııa jumys istep jatyr.
