Rýdnyıda joǵalyp ketken jasóspirim qyzdar Temirtaýdan tabyldy
QOSTANAI. QazAqparat - Polıtseıler 12 tamyzda joǵalyp ketken rýdnyılyq oqýshy qyzdardy Temirtaý qalasynan tapty, dep habarlaıdy QazAqparat tilshisi Qostanaı oblysy ІІD-niń baspasóz qyzmetine silteme jasap.
Úsh jasóspirimniń iz-tússiz joǵalyp ketkeni týraly Rýdnyı qalasynyń Іshki ister basqarmasyna qyzdardyń analary habarlaǵan. Sondaı-aq, áleýmettik jelilerde joǵalǵan qyzdar jaıynda qaǵaz betine shyǵarylǵan aqparat taratyldy. Analarynyń aıtýynsha, qyzdar 12 tamyzda túski as ýaqytynda úıden shyǵyp ketken.
«Polıtseıler táýlik boıy kámelet jasqa tolmaǵan úsh qyzdy izdestirdi. Nátıjesinde jedel izdestirý toby oqýshy qyzdardy Temirtaý qalasyna kireberis joldan tapqan. Olar reıstik avtobýspen Shymkentke qaraı jol tartqan», - dedi ІІD ókili.
Qazirgi tańda tártip saqshylary qyzdardy Rýdnyı qalasyna úılerine jetkizbek.
