Rýdnyıda joǵalyp ketken oqýshy garaj kooperatıvinen tabyldy
QOSTANAI. QazAqparat - Rýdnyıda izdestirilip jatqan mektep oqýshysy tabyldy, dep habarlaıdy QazAqparat tilshisi Qostanaı oblysy polıtsııa departamenti baspasóz qyzmetine silteme jasap.
«16 qyrkúıekte kámelet jasyna tolmaǵan bala mektepten shyǵyp ketip, úıine oralmaǵan. Osy ýaqytqa deıin ol Rýdnyı qalasy garaj kooperatıvteriniń birinde bolǵan. Qazirgi ýaqytta oqýshy anasyna qaıtaryldy»,- dedi oblystyq polıtsııa departamentiniń baspasóz hatshysy Irına Bejenar.
Buǵan deıin jazǵanymyzdaı, Rýdnyı qalasynyń polıtseıleri 16 qyrkúıek kúni joǵalyp ketken oqýshyǵa izdeý salǵan bolatyn.
