Rýdnyıda jarylǵysh týraly jalǵan habar berýshi ustaldy
QOSTANAI. QazAqparat - Rýdnyı qalasynda lańkestik týraly jalǵan habar berdi dep kúdiktelgen er adam ustaldy. Onyń jalǵan aqparatynan Lenın kóshesindegi 70-turǵyn úıdiń barlyq turǵyndaryn kóshirýge týra kelgen.
«Rýdnyı qalalyq soty QR QK-niń 273 babynda (terrorızm aktisi týraly kórine jalǵan habarlaý) qarastyrylǵan qylmysty jasaýǵa kúdikti azamat A.-ny 2 aıǵa qamaýǵa alýǵa sanktsııa berdi», - dep habarlady Qostanaı oblystyq sotynyń baspasóz qyzmeti.
Іs materıaly boıynsha, «2016 jyly 4 qyrkúıekte QR QK-niń 128 baby boıynsha 2 qyrkúıekte 21:00-22:30 aralyǵynda terrorızm aktisi týraly jalǵan habar berýge qatysty kúdikti ustaldy».
Habar kelip túsken soń turǵyndardy kóshirý 4 qyrkúıek kúni keshki 10-nan 5 qyrkúıek 17:00-ge deıin jalǵasty.
Habarlamada bul quqyq buzýshylyqtyń aýyr qylmys túrine jatatyny aıtylǵan. Qylmystyq bap sanktsııasy qylmyskerge 6 jylǵa bas bostandyǵynan aıyrý túrinde jaza belgileıdi.
