Rýdnyıda zeınetaqy alǵan ájeılerdi 27 jastaǵy jigit tonap ketti
QOSTANAI. QazAqparat - Rýdnyılyq polıtseıler zeınetkerlerdi tonady degen kúdikpen 27 jastaǵy jigitti ustady, dep habarlaıdy QazAqparat tilshisi Qostanaı oblystyq ІІD baspasóz qyzmetine silteme jasap.
Qylmysker qart zeınetkerlerge shabýyldaǵan. Rýdnyı qalalyq ilki ister basqarmasy bastyǵynyń birinshi orynbasary, polıtsııa polkovnıgi Nurjan Ahmetovtiń aıtýynsha, qaskóı jábirlenýshilerdiń zeınetaqy alǵanyn bilip, bankten úıine deıin ańdyp kelgen.
«Olardy úıdiń kireberisinde ańdyp otyryp, tutqıyldan shabýyldaǵan da, azyq-túlik arqalaǵan sómkelerin ámııandarymen qosa tartyp alyp ketken. Osy derek boıynsha, buryn qaraqshylyq jasaǵany úshin sottalǵan 27 jastaǵy er adam ustaldy. Ol aıybyn moıyndady», - dedi N. Ahmetov.
Qaraqshynyń shabýylyna ushyraǵan ájeılerdiń biri 77, ekinshisi 82 jasta bolǵan.
