Rýdnyıda ýchaskelik polıtseı sýıtsıdtiń aldyn aldy
QOSTANAI. QazAqparat - Rýdnyılyq ýchaskelik polıtseı ózine-ózi qol jumsamaqshy bolǵan adamdy qutqaryp qaldy, dep habarlaıdy «QazAqparat» HAA tilshisi.
«Búgin saǵat 14.00-de Rýdnyı qalalyq ishki ister basqarmasyna ózine-ózi qol jumsamaqshy bolǵan jas jigittiń Lenın kóshesi, 270 mekenjaıyndaǵy kópqabatty úıdiń shatyryna shyǵyp turǵany týraly telefon habarlamasy kelip tústi», - dep habarlaıdy Qostanaı oblystyq ІІD baspasóz qyzmeti.
Aıtylǵan jerge ýchaskelik polıtseı Qaırat Dáýrenbekov barady. Ol shatyrdyń ústine shyǵyp, jigitpen sóılesedi. Ol burynǵy jubaıynyń 10 aılyq ulyn kórsetpeıtinin, sol sebepti sýıtsıd jasaǵysy kelgenin aıtady. Saqshy er kisimen sóılesip, mundaı áreket jasamaýǵa kóndirip, tómen túsiredi. Qazir oǵan psıhologııalyq kómek kórsetilýde. Ýchaskelik polıtseı er kisiniń burynǵy jubaıymen kezdesip, mán-jaıdy anyqtamaqshy.
