Rýdnyıda turǵyn úı órtenip, 70 adam evakýatsııalandy
RÝDNYI. QazAqparat – Rýdnyı qalasynda kópqabatty úıden órt shyǵyp, birneshe adam qutqaryldy, dep habarlaıdy QazAqparat.
Oblystyq TJD baspasóz qyzmetiniń málimetinshe, oqıǵa búgin Franko kóshesiniń boıyndaǵy úıde bolǵan.
«9 qabatty úıdiń kireberisinde turǵan dıvan órtengen. Órt 3 sharshy metr aýmaqty sharpydy. Úı turǵyndary avtosaty arqyly tómenge túsirildi. Barlyǵy 70 adam evakýatsııalandy. Onyń ishinde 20 bala bar», - dedi vedomstvonyń baspasóz hatshysy Ýálıhan Dosanov.
Órt barysynda zardap shekkender joq. Osy derek boıynsha saraptama jumystary júrgizilýde, órttiń naqty sebepteri anyqtalyp jatyr.
