Rýdnyıda turǵyn úı órtenip, 2 adam kóz jumdy
RÝDNYI. QazAqparat – Rýdnyı qalasynda turǵyn úı sektory órtenip, eki adam qaza boldy, dep habarlaıdy QazAqparat oblystyq TJD baspasóz qyzmetine silteme jasap.
«Rýdnyı qalasy B. Maılın kóshesinde jeke turǵyn úıdiń shatyry janǵan.
Órt 80 sharshy metr aýmaqty sharpydy. Oqıǵa ornynda gaz-tútinnen qorǵaý qyzmetiniń 2 bólimi jumys istedi. Órt ornynan 1967 jyly týǵan úı ıesiniń máıiti tabylyp, jedel járdem qyzmetkerlerine tapsyryldy. Sonymen qatar 2007 jyly týǵan balany tútinnen ýlanyp qaldy», - delingen vedomstvo habarlamasynda.
Alaıda, tútinnen ýlanǵan jasóspirim aýrýhanada qaıtys boldy. Órttiń aldyn ala sebebi – elektr symdarynyń qysqa tuıyqtalýy.
Aıta keteıik, oqıǵa ornyna TJD jeke quramynan 16 adam jáne 3 tehnıka jumyldyryldy.
Qostanaı oblysynyń TJD turǵyndardy elektr symdary men elektr quraldaryn qaraýsyz qaldyrmaýǵa shaqyrady.
