Rýdnyıda «Toıota» júrgizýshisi jasóspirimdi qaǵyp óltirdi
ASTANA. QazAqparat - «Qostanaı-Rýdnyı» baǵytyndaǵy trassada jeńil mashına jasóspirimdi bsyp ketti, dep habarlaıdy «QazAqparat» HAA alau.kz -ke silteme jasap.
Qostanaı oblystyq ІІD baspasóz qyzmetiniń habarlaýynsha, jol apaty 3 jeltoqsan kúni keshki 19:00 shamasynda, Rýdnyıdan 10 shaqyrym jerde bolǵan.
«Toıota» mingen 26 jastaǵy júrgizýshi 17 jastaǵy jasóspirimdi qaǵyp ketken. ІІD málimetterine qaraǵanda, ol arnaıy ótkelden ótpegen.
Jol apaty saldarynan aýyr jaraqattar alǵan jas jigit oqıǵa ornynda jan tapsyrdy. Medıtsınalyq tekserý júrgizýshiniń mas bolmaǵanyn kórsetti.
Osy fakti boıynsha saraptama belgilendi, QR QK 345-babynyń («Jol qozǵalysy erejelerin buzý») 3-bóligi boıynsha sotqa deıingi tergep-tekserý júrip jatyr.
