Rýdnyıda shyǵarylatyn sút ónimderi Reseıge eksporttalmaq
QOSTANAI. QazAqparat – QR Premer-Mınıstri Asqar Mamın Rýdnyı qalasyndaǵy «Lıder-2010» JShS sút óńdeý jáne sút ónimderin shyǵarý kásipornynyń jumysymen tanysty, dep habarlaıdy QazAqparat.
«Lıder-2010» JShS – Qostanaı oblysynyń eksporttyq áleýeti joǵary, jetekshi kásiporny. Búginde atalmysh seriktestiktiń ónimi Qazaqstanda ǵana emes, Reseı Federatsııasyna eksportqa shyǵarylady.
«Sút ónimderiniń 60 túrin shyǵaramyz. Olardyń ishindegi eń tanymaly - «Tan» qyshqyl sýsyny. Sondaı-aq, qoıýlandyrylǵan jáne pisirilgen súttiń de suranysy joǵary. Zaýyt bir kúnde 23 myń tonna sútti óńdeıdi. Endi sút ónimderi Chelıabınsk, Ekaterınbýrg, Ýfa sııaqty qalalarǵa jetkiziledi», - dedi «Lıder-2010» JShS dırektory Aleksandr Lıgaı.
Asqar Mamın kásiporyn jumysyna oń baǵasyn berip, eksport kólemin ulǵaıtýdy tapsyrdy.
Aıta keteıik, búgin QR Premer-Mınıstri Asqar Mamın Qostanaı oblysyna jumys saparymen keldi.
