Rýdnyıda polıtsııa kól ortasynda qalyp qoıǵan áıeldi qutqardy
QOSTANAI. QazAqparat - 30 maýsymda Rýdnyı qalalyq Іshki ister basqarmasyna saıajaılar aýdany mańyndaǵy kól ortasynda qalǵan áıel týraly habarlama kelip tústi.
Oqıǵa ornyna jergilikti polıtsııa qyzmetiniń avtopatrýli shyqty. Patrýl quramynda kishi serjant Rústem Máýletov pen serjant Nursultan Aqbergenov boldy. Tártip saqshylary kól ortasynda deıin júzip baryp, zardap shegýshi áıeldi sýdan alyp shyqty.
Qostanaı oblysy ІІD málimeti boıynsha, qutqarylǵan 50 jastaǵy áıel Rýdnyı qalasynyń turǵyny bolyp shyqty. Ol bir saıajaıynan ekinshi saıajaıyna júzip jetkisi kelgen.
Qýanyshtysy, kól ortasynda beton plıta bolǵan. Soǵan shyǵyp alǵan áıel keshke deıin kómek kútken. Áıeldi avtólikpen ótip bara jatqan jolaýshy baıqap, polıtsııaǵa habar bergen.
Baspasóz qyzmetiniń aıtýynsha, ІІD-de qutqarýshy polıtsııalardy marapattaý máselesi qarastyrylýda.
