Rýdnyıda perınataldy ortalyqta kóz jumǵan áıelge baılanysty tergeý prokýrorlyq baqylaýda
QOSTANAI. QazAqparat - Qostanaı oblysy Rýdnyı qalasyndaǵy perınataldy ortalyqta áıel bosaný ústinde baqılyq boldy. Onymen birge jańa týǵan sábıi de shetinegen.
Rýdnyı perınataldy ortalyǵynda jas bosanǵan áıel men onyń balasynyń ólimi faktisi boıynsha komıssııa jumys istep jatyr. Іs prokýrorlyq baqylaýǵa alynǵan. Qaıǵyly oqıǵa 24 jeltoqsan kúni túnde oryn aldy. Ajal kenetten boldy, jan saqtaý sharalary esh nátıje bermedi. Oqıǵaǵa qatysty perınataldy ortalyq esh pikir bildirgen joq. Onyń ústine, Qostanaı oblysynyń bas akýsher-gınekology Ivan ıAntsen oqıǵanyń dárigerlerler áreketimen esh baılanysy joq ekenin aıtýda. «Biz júktiliktiń eń sırek kezdesetin túrine tap boldyq, bala jatqan qaǵanaq suıyqtyǵy anasynyń qan aǵysyna tap bolǵan, - dedi ıAntsen. - Bul qaǵanaq suıyqtyǵynyń embolııasy dep atalady, oǵan dárigerler esh kómek bere almaıdy».
