Rýdnyıda órtengen páterden eki adamnyń denesi tabyldy

RÝDNYI. QazAqparat - Rýdnyıdaǵy Oktıabrdiń 50 jyldyǵy kóshesindegi bes qabatty úıdiń páterinen órt shyǵyp, eki adam qaza tapty, dep habarlaıdy QazAqparat.

Oblystyq tótenshe jaǵdaılar departamentiniń málimetine sensek, oqıǵa týraly dabyl kezekshiniń pýltine 21 jeltoqsan kúni 00:55 kezinde túsken.

Órt sóndirýshiler kelgen sátte ekinshi qabattaǵy eki bólmeli páterden tútin shyǵyp jatty. Sondaı-aq, tútin barlyq qabattardy qamtıtyn kireberiste tez tarady.

TJD kúshimen baspaldaq marshy boıynsha 32 adam, onyń ishinde 7 bala evakýatsııalandy.

Janyp jatqan páterdiń esigin aspappen ashýǵa týra keldi. Sonymen qatar úsh ıindi baspaldaqpen balkon arqyly otty eki baǵyttan sóndirý úshin órt sóndirýshiler páterge kirdi.

5 sharshy metr alańdaǵy qonaq bólmesinde jumsaq jıhaz janyp jatty. Dıvan ústinen 1959 jyly týǵan páter ıesiniń denesi tabyldy.

Kelesi bólmede tósekte 1954 jyly týǵan 2-shi toptaǵy múgedek er adamnyń máıiti jatty.

Órt 01:35-te óshirildi. Órtti sóndirýge 11 adam men 3 tehnıka jumyldyryldy.

Órttiń sebebi - otty abaısyz qoldaný.

Aıta ketý kerek, buǵan deıin 3 qyrkúıekte atalǵan mekenjaıda turatyn turǵyndarmen profılaktıkalyq jumys jýrnalyna belgi qoıyp, nusqaýlyq ótkizilgen.

Sonymen qatar, 22 qyrkúıekte jıyn barysynda turǵyndarǵa turmystaǵy órt qaýipsizdiginiń negizgi talaptary túsindirilgen.