Rýdnyıda nemeresi ájesiniń 500 myń teńgesin qoldy qylǵan
QOSTANAI. QazAqparat - Qostanaı oblysynda nemeresi óz ájesiniń aqshasyn jymqyrǵan, dep habarlaıdy QazAqparat tilshisi oblystyq sottyń baspasóz qyzmetine silteme jasap.
Nemeresi 8 qyrkúıek kúni urlyq áreketine barǵan. Ol Rýdnyıdaǵy úıden ájesiniń 500 myń teńge qarajatyn qoldy qylǵan. Degenmen, birneshe kúnnen soń jábirlenýshi sotqa ótinishhatpen keldi. Onda eki tarap arasynda ózara kelisimniń bolǵany jáne nemeresin qylmystyq jazadan arashalaýdy suraǵany jazylǵan.
«Kúdikti de medıatsııa tártibimen kelisimge kelýdi surap, jazbasha aryz jazdy. QR «Medıatsııa týraly» zańyna sáıkes, jeke aıyptaýshy aıyptaýdan bas tartýyna baılanysty, is óndiristen qysqartyldy. Nemeresi «Urlyq» baby boıynsha aıyptan bosatyldy», - dep málim etildi oblystyq sotta.
