Rýdnyıda qyzmettik ıttiń kómegimen sıntetıkalyq esirtki tárkilendi

QOSTANAI. QazAqparat – Rýdnyı qalasynyń polıtsııasy sıntetıkalyq esirtki zatyn paıdalanyp kelgen jergilikti turǵyndy qolǵa túsirdi, dep habarlaıdy «QazAqparat» HAA tilshisi.

Rýdnyı qalasynyń polıtsııa qyzmetkerleri qyzmettik ıttiń kómegimen «jyldamdyq» dep atalatyn esirtkiniń sıntetıkalyq túrin saqtaý faktisin anyqtady.

«35 jastaǵy Rýdnyı qalasy turǵynynyń qaltasynan sarǵysh tústi polıetılen túıinshek zaty tárkilendi. Ol «Hogan» esimdi qyzmet ıttiń kómegimen qaladaǵy úılerdiń birinde ustaldy. Saraptama nátıjesine sáıkes onyń 15 gramm sıntetıkalyq esirtki zatyn ózimen birge alyp júrgeni anyqtaldy. Ol buǵan deıin esirtki satqany úshin sottalǵan. Qazir QR QK 296-babynyń 4-bóligi boıynsha sotqa deıingi tergeý júrgizilýde», - dedi oblystyq polıtsııa departamenti baspasóz qyzmetiniń mamany Kenje Qonysbaı.

2020 jyldyń basynan beri Rýdnyı qalasy polıtsııa basqarmasynyń esirtki qylmysyna qarsy is-qımyl bóliminiń qyzmetkerleri esirtki zattaryn paıdalanýǵa qatysty 8 derekti anyqtaǵan.