Rýdnyıda qubyr jarylyp, 24 kópqabatty úı jylýsyz qaldy

RÝDNYI. QazAqparat - Qostanaı oblysy Rýdnyı qalasynda jylý trassasy jaryldy, dep habarlaıdy QazAqparat qala ákimdigine silteme jasap.

26 qańtar kúni saǵat 14.00 kezinde Rýdnyı qalasy Gornıakov kóshesindegi dıametri 530 mm jylý trassasy jarylǵan.

Ony jóndeý kezinde 24 kópqabatty úı, 59 jeke úı jáne 16 zańdy tulǵa ǵımarattary jylýdan ajyratyldy.

Qubyr jarylǵan jer anyqtaldy. Jylý jelisin qalpyna keltirý úshin búkil qajetti jumys júrgizilip jatyr.

Eske sala keteıik, Qasym-Jomart Toqaev Qostanaı oblysyna jumys sapary barysynda eń aldymen Rýdnyı jylý qubyryndaǵy jarylys saldarymen tanysqan edi.

«Jalpy, elimiz boıynsha da, osy oblysta da jylý qubyrlary apatty jaǵdaıda tur. Jaǵdaı óte aýyr. Úkimetke búginnen bastap, ásirese kóktem jáne jaz aılarynda qysqy jylytý maýsymyna muqııat daıyndalýdy tapsyramyn. Bul – atqaratyn basty mindet, sebebi muny sozbalańǵa salýǵa bolmaıdy. Jelilerdiń tozý deńgeıi óte joǵary, 70, 80, keıbir jerlerde tipti 90 paıyzǵa deıin jetedi. Osy jumystarmen aınalysý qajet», - dedi Prezıdent.

Foto: instagram.com/rudny_official