Rýdnyıda kópqabatty úı órtenip, 48 adam evakýatsııalandy
QOSTANAI. QazAqparat - Qostanaı oblysynyń Rýdnyı qalasynda kópqabatty úı órtenip, 48 adam evakýatsııalandy, dep habarlaıdy QazAqparat oblystyq TJD baspasóz qyzmetine silteme jasap.
Oqıǵa búgin saǵat 02:30 shamasynda Rýdnyı qalasynyń Kachar kóshesinde bolǵan. Oblystyq TJD málimetinshe, órt bes qabatty úıdiń birinshi qabatyndaǵy páterden shyqty. Aldymen páter ishindegi tósek jabdyǵynyń janǵany anyqtaldy.
Órt kezinde kópqabatty úıdegi 48 adam oqshaý aýmaqqa kóshirildi. Onyń 8-i - bala. Zardap shekkender joq.
Aldyn ala boljam boıynsha, temeki tuqyly tósek jabdyǵynyń ústine tıgen. Órt 30 mınýttyń ishinde sóndirildi.
