Rýdnyıda kópqabatty úı órtenip, 100-den asa adam evakýatsııalandy
QOSTANAI. QazAqparat - Rýdnyı qalasynda 9 qabatty úıden órt shyqty, dep habarlaıdy QazAqparat TJD baspasóz qyzmetine silteme jasap.
Oqıǵa búgin saǵat 19:08-de bolǵan. Órtke qarsy qyzmet pýltine Rýdnyı qalasy Lenın kóshesi boıyndaǵy toǵyz qabatty turǵyn úıde órt shyqqany t týraly habarlama kelip tústi.
«Órt tórtinshi qabattaǵy tambýrdan shyqqan. Órt sóndirý bólimsheleriniń kúshimen 152 adam evakýatsııalandy jáne 20 adam qutqaryldy, onyń ishinde 9-y - bala. Órt saǵat 19: 30-da oqshaýlanyp, saǵat 19: 36-da joıyldy», - delingen vedomstvonyń habarlamasynda.
Órttiń aldyn ala sebebi - temeki shegý kezinde otty abaısyz paıdalaný. Órt sóndirýge Qostanaı oblysy TJD jeke quramynan 35 adam jáne 5 órt sóndirý tehnıkasy tartyldy.
