Rýdnyıda kópqabatty turǵyn úı órtenip, 70 adam evakýatsııalandy
QOSTANAI. QazAqparat - Rýdnyı qalasynda kópqabatty turǵyn úı órtenip, eki adamdy kúıik shaldy, dep habarlaıdy Qazaqparat.
Aqparatty oblystyq TJD baspasóz qyzmeti rastady. Oqıǵa Rýdnyı qalasyndaǵy Oktıabrdiń 50 jyldyǵy kóshesinde bolǵan.
"5 qabatty turǵyn úıdiń jertóle qabatyndaǵy elektr symdarynyń tuıyqtalýy nátıjesinde órt shyqqan. Oqıǵa ornyna jeke quramnyń 11 qyzmetkeri men 4 arnaıy tehnıka jumyldyryldy", - dedi TJD baspasóz qyzmetindegiler.
Qutqarýshylar 70 adamdy oqshaý jerge kóshirdi. Onyń ishinde 20 bala boldy. Kúıik shalǵan eki adam qutqaryldy.
