Rýdnyıda kólik júrgizýshisi balany qaǵyp ketip, izin sýytqan
QOSTANAI. QazAqparat - Rýdnyı qalasynyń polıtseıleri 9 jasar qyzdyń ólimine kináli júrgizýshini izdestirýde, dep habarlaıdy QazAqparat tilshisi Qostanaı oblysy ІІD-niń baspasóz qyzmetine silteme jasap.
«14 tamyz kúni aq tústi «Kıa Rıo» markaly avtokóliginiń 39 jastaǵy júrgizýshisi Rýdnyı qalasyndaǵy Parkovaıa-Gagarın kósheleriniń qıylysynda ornalasqan jaıaý júrginshiler jolymen ótip bara jatqan 9 jasar oqýshy qyzdy qaǵyp ketti. Oqıǵa saldarynan zardap shekken bala jedel járdem qyzmetkerleri kelgenge deıin kóz jumdy», - dep málim etti departament ókili.
Júrgizýshi jol apatynan keıin kóligin qaldyryp ketip, oqıǵa ornynan jasyrynǵan.
«Polıtseıler avtokólik júrgizýshiniń tanysyna tıesili ekenin anyqtady. Qazirgi tańda Rýdnyı polıtseıleri kúdiktini izdestirip jatyr. Sotqa deıingi tergeý amaldary bastalyp ketti», - dep túıindedi ІІD ókili.
