Rýdnyıda kishkentaı bala shaǵyn ortalyqtan syrt kıimsiz shyǵyp ketken
QOSTANAI. QazAqparat - Rýdnyı qalasynda kishkentaı bala shaǵyn ortalyqtan óz betimen ketip qalǵan. Dalada syrt kıimsiz júrgen balany ótip bara jatqan adamdar baıqaǵan, dep habarlaıdy «QazAqparat» alau.kz saıtyna silteme jasap.
Bul týraly aqparatty Rýdnyı qalalyq bilim berý bólimi rastady. Kezdeısoq ótip bara jatqan adamdar balany jylytyp, polıtsııa shaqyrdy. Bilim berý bóliminen habarlaǵandaı, olar bolǵan oqıǵa jaıynda ıývenaldyq polıtsııa qyzmetkerlerinen bilgen.
«Bala ketip qalǵan jekemenshik mekeme óz qyzmetin bastaǵany týraly habarlama bergen joq. ıAǵnı, zań boıynsha, biz bul jekemenshik balabaqshany jaýapqa tarta almaımyz», - dep túsindirdi Rýdnyı qalalyq bilim bóliminiń mektepaldy tárbıe jáne bilim berý boıynsha ádiskeri Gúlnara Bıkbaeva.
