Rýdnyıda «Kamaz» ben jeńil kólik soqtyǵysty
QOSTANAI. QazAqparat - Qostanaıda júk kóligi men jeńil avtokólik soqtyǵysty, dep habarlaıdy QazAqparat tilshisi.
Jol-kólik oqıǵasy týraly kýágerler áleýmettik jelilerde jazdy. «Qostanaı-Rýdnyı» tasjolynda «Volkswagen» men «Kamaz» soqtyǵysqan.
«31 jastaǵy Rýdnyı qalasynyń turǵyny «Volkswagen» kóligimen kele jatyp, rólge ıe bola almaı qaldy. Ol qarsy kele jatqan «Kamaz» júk kóligin soqty. Onyń rólinde 47 jastaǵy er adam otyrǵan», - dep habarlady ІІD baspasóz hatshysy Irına Bejenar.
Jol-kólik apaty saldarynan jeńil kólikte bolǵan 7 jasar bala aýyr dene jaraqattaryn aldy. Ol qazir qalalyq aýrýhananyń jansaqtaý bólimine kóshirildi.
