Rýdnyıda iri sport kesheni ashyldy
QOSTANAI. QazAqparat - Rýdnyı qalasynda joǵary deńgeıdegi saıystar ótkiziletin iri sport kesheni ashyldy. Mını-fýtbol zaly ÝEFA talaptaryna saı jabdyqtalǵan, dep habarlaıdy «QazAqparat» HAA tilshisi Qostanaı oblystyq ákimdiginiń baspasóz qyzmetine silteme jasap.
Óńir basshysy Arhımed Muhambetov sport kesheniniń ashylý saltanatyna qatysyp, endi rýdnyılyqtardyń salaýatty ómir saltyn qalyptastyrýǵa degen yntalarynyń artatynyn tilge tıek etti. Sport ǵımaratynyń jalpy kólemi 2 myń sharshy metrden asady. Bul jerde parket tóselgen mını-fýtbol zalynan basqa, voleıbol men basketbol, úlken jáne ústel tennıs oıyndaryna arnalǵan alańdar salynǵan.
«Jankúıerler úshin 400 oryndyq minber jasaldy, - dep aıtylady habarlamada. - Sportshylarǵa dýshy bar 4 kıim aýystyrý bólmesi, massaj kabıneti qarastyrylǵan».
Sport kesheniniń ashylýynda mını-fýtboldan Qazaqstan joǵary lıgasy chempıonaty ótip, rýdnyılyq «Aıat» jáne sportqa jańadan aıaq basqan shymkenttik-birinshilik «balalar men jasóspirimderdiń olımpıadalyq rezerv orta mektebi» oıyn kórsetti. 
